ماصارحني .. للشاعر اسامة المقرحي

ماصارحني.......ولابا يداويني ولا يجرحني .... كاتم علي اللي فيه ماصارحني

ماخبرني ..... ولابا يفرحني ولايقهرني.....طيب كلامه وع الكلام جبرني....ومالقيت والي ننشدا ينصحني
كاني قصدته بلكلام عدرني ...... وكان زعل يحن ويسامحني
كاني قلقت بحكمته يصبرني...... ويقولي في قول مايجرحني
حير اعقيلي وخاطري وسهرني....... ومابا يقولش كلمتا يريحني

زايد حرصه ..... ومابا يخلي لي كلامي فرصة ..... ولابا يخلي للمراكب مرسي ..... ننزل شواطيهم ولا يمنحني
وعنا الكلام السمح ماهي خرسة ..... تعرف اتساوي فيه وتطيحني
مابتش تاخد في قرار وترسي ....... تحكي الي في بلها تريحني

زعم حق غلاهم ....و الا غلطت وفي احساسي واهم .....بالك ماعندي شي من يالاهم....من غير هكي بلكلام مدحني
وانا قعدت انجول في مدعاهم ...... وهوا ماضني في خيال لمحني
والا حظهم علي رماهم ...... شقا العقل وفي الفراش طرحني

اسكوته قاسي ..... اسكوت نساني معادن ناسي ...... الللي دوم بيهم فوق رافع راسي ...... ماشي عنهم يقدر ايزحزحني
نبي دوم نسمع صوتها الوناسي ...... بلا سمع هكي من الوريد دبحني
نبي نشوف شكلا اللي شغل حواسي ..... ونملا عيوني ونتركا يشبحني
هلي خطورة ايهف في مجلاسي ..... ايبان فعيوني غلاه فضحني
صابر معاه ومانبيش ماسي ...... لين يلقي وقت ويفرحني

ماصارحني.......ولابا يداويني ولا يجرحني .... كاتم علي اللي فيه ماصارحني

» تضحك وتبكي / للشاعر محمد اميمه