أعجبتني كلمات هذه القصيده المؤثره للشاعر المهندس ( محمد اميمه ) ، وحبيت أن أضعها بين يدي إخواني بمنتدى السند .
وهي تصف حنان وشوق أم لكبدها بعد غيابه وإبتعاده عنها ، وهذه القصيده بعنوان :-
( تضحك وتبكي ) تضحك وتبكي دمعها يغلبها *** كنهو انطري في جنبها غايبها
................................................
تضحك بلا رادتها *** وتنزل الدمعه ساخنه فجرّتها
وين يتلاقن ضحكها ودمعتها *** ينوح الحجر كيف الصدى يجاوبها
لا ساكته لا امدرقه لهفتها *** ولا قاسيه ع اللّي مشي وسيبها
...............................................
مره تقول ايجيني *** انضمه علي صدري يذوب حنيني
ومر اتقول احبيْبي ناسيني *** لا حس بأيامي ولا حاسبها
سافر وخلاّ دمعتي في عيني *** وجافل عليها النوم غاب طربها
..............................................
سافر بعيد خلاها *** مستاحشه ما اتقول والي امعاها
اللّي ايحس دمعة لـُم ما يجفاها **** لا يبتعد لا بغيبته يعذبها
وهي عندها غير يرجع ويلقاها *** تسوى العين بهذبها وحاجبها
...............................................
تضحك وتبكي دمعها يغلبها *** كنهو انطري في جنبها غايبها
................................................